Estruktura ng swardspeak sa lungsod ng Tagum: pag-aaral ng varayti ng wika sa Filipino

Abstract

Ang pangunahing layunin ng penomelohikal na pananaliksik na ito ay malaman ang persepsyon, paraan ng paggamit o pananalita at estruktura ng swardspeak sa Lungsod ng Tagum, Davao del Norte partikular sa mga bakla. Kasabay ng patuloy na pag-usbong ng makabagong salita kung paano nila ito na pagtagumpayan ang mga karanasan at kung paano nila ito ginagamit sa kani-kanilang pang araw-araw na pamumuhay. Ang pag-aaral na ito ay ginamitan ng Structural Linguistic na dulog. May labing-apat na kalahok sa pananaliksik na ito at lahat ay mga bakla o beki sa Lungsod ng Tagum, Davao del Norte. Sa pag-aaral na ito, kaming mga mananaliksik ay gumamit ng subjektibong pamamaraan at analisis na datos (data analysis) upang ang aming pag-aaral ay makakuha ng tiyak na detalye ng iba’t ibang estruktura at kaalaman mula sa “Estruktura ng Swardspeak sa Lungsod ng Tagum: Pag-aaral ng Varayti ng Wika sa Filipino”. Ito ay binubuo ng labing-apat (14) na kalahok. Ang pito (7) na kalahok ang siyang naging partisipante namin sa in-depth interview at ang natitirang pito (7) naman ay naging respondante sa focused-group discussion. Ang resulta sa pag-aaral ay napapangkat sa iba’t ibang tema sa bawat katanungan.