Estratehiya sa pagkatuto, pakikilahok, at ugaling pampaaralan : isang modelong kawsal sa pagganyak sa pagbasa ng mga mag-aaral /

Abstract

Ang pananaliksik na ito ay may layuning matukoy ang pinakaangkop na modelo ng pagganyak sa pagbasa ng mga mag-aaral sa mga pampublikong paaralan sa Rehiyon XII. Ang mananaliksik ay gumamit ng stratified random sampling na tumukoy sa 400 na mga kalahok mula sa iba’t ibang Sangay ng Cotabato, Koronadal, Sultan Kudarat, General Santos, at Kidapawan. Deskriptibong kawsal na desinyo ang ginamit sa pananaliksik. Apat na istandardisadong adapted questionnaires ang ginamit sa pagkalap ng datos. Ang mga datos na nakalap sa mga lebel, ugnayan, impluwensiya at pinakaangkop na modelo ay tina-tabulate, sinuri, at binigyang kahulugan gamit ang mga istatistikang: mean, Pearson Product Moment Correlation, Multiple Regression at SEM. Lumabas sa pananaliksik na ang mga kalahok ay may mataas na lebel sa estratehiya sa pagkatuto at pakikilahok sa pagganyak sa pagbasa na nangangahulugang madalas namamasdan. Samantalang may katamtamang lebel naman sa ugaling pampaaralan na nangangahulugang bihirang namamasdan. Natuklasan ding ang tatlong baryabol na estratehiya sa pagkatuto, pakikilahok, at ugaling pampaaralan ay may makabuluhang ugnayan sa pagganyak sa pagbasa. Kaya, hindi tinanggap ang null haypotesis. Gamit ang stepwise regression, ipinahihiwatig na ang tatlong exogenous na baryabol na nabanggit ay nakaiimpluwensiya sa pagganyak sa pagbasa ng mga mag-aaral. Sa limang mga alternatibong modelong nabuo, lumabas na ang modelo 5 ang pinakaangkop na pinapalooban ng estratehiya sa pagkatuto: estratehiyang pangmemorya at estratehiyang metakognitib; pakikilahok: pangkabatirang pakikilahok at pagkagusto sa pagkatuto; ugaling pampaaralan: pagsubok at pagibigay-punang gawain, pagtuturo; at pagganyak sa pagbasa: bisa sa pagbasa, hamon sa pagbasa, kuryusidad sa pagbasa, pagkalibang sa pagbasa, pagsunod, pagkilala sa binasa at pagbabasa para sa grado. Mga Susing Salita: edukasyon, estratehiya sa pagkatuto, pakikilahok, ugaling pampaaralan, at pagganyak sa pagbasa, sem, Pilipinas