Motibasyong pangwika ng mga mag-aaral : isang instruktural na panatayang dulog

Abstract

Ang pangunahing layunin ng pag-aaral na ito ay matukoy ang pinakaangkop na modelo ng motibasyong pangwika. Nilalayon din ng pag-aaral na tiyakin ang makabuluhang ugnayan sa pagitan ng exogenous na mga baryabol: pangangasiwang pangklasrum, pakikilahok ng mga mag-aaral, gawing pagkatutong pangwika at ang endogenous na baryabol na motibasyong pangwika ng mga mag-aaral. Ang pag-aaral na ito ay ginamitan ng nonexperimental at korelasyonal na disenyo ng pananaliksik at Modelong Panatayang Istruktural upang malaman ang pinakaangkop na modelo ng Motibasyong Pangwika. Ginamit ang sample random sampling sa pagtukoy ng 400 na mga kolehiyong mag-aaral bilang respondent ng pag-aaral. Gina din sa pag-aaral na ito ang downloaded na mga talatanungan mula sa web sources na minodipika para sa pangangailangan ng pag-aaral. Pinakita sa resulta na ang exogenous na mga baryabol: pangangasiwang pangklasrum, pakikilahok ng mga mag-aaral, at ang gawing pagkatutong pangwika ay may makabuluhang ugnayan sa endogenous na motibasyong pangwika. Ang pangangasiwang pangklasrum na kinatawanan ng pangangasiwa sa pag-uugali sa klasrum, tiyak na pamamaraan sa pagtuturo, pakikiisa sa mga magulang at pagpaplano at suporta; pakikililahok ng mga mag-aaral na kinatawanan ng kagustuhan sa pagkatuto, kagustuhan sa pag-aaral, pagsisikap at pagtitiyaga, estrakurikular na gawain at pangkabatirang pakikilahok; at ang gawing pagkatutong pangwika na kinatawanan ng pansariling imahe, pagpipigil, pakikipagsapalaran, pag-unawa sa sariling opinyon, motibasyon at kalabuan ay lubos na nakaimpluwensiya sa motibasyong pangwika na kinatawanan ng pandamdamin, pag-aangkop sa layunin at pag-asam.