Kakayahan sa pagtuturo ng guro, pampagkatutong pangklasrum at pakikipag-ugnayan ng mga mag-aaral : isang istruktural na panatayang modelo sa kakayahang pangkomunikatibo

Abstract

Ang layunin ng pag-aaral na ito ay upang malaman ang modelong pinakaangkop sa kakayahang pangkomunikatibo ng mga mag-aaral. Nilalayong tiyakin ang makabuluhang ugnayan sa pagitan ng exogenous na baryabol: kakayahan sa

pagtuturo ng guro, pampagkatutong pangklasrum at pakikipag-ugnayan ng mga mag- aaral at ang endogenous na baryabol sa kakayahang pangkomunikatibo. Ginamitan

ng non-experimental at korelasyonal na disenyong pananaliksik at istruktural na modelo upang malaman ang pinakaangkop na modelong kakayahang pangkomunikatibo. Ginamit ang stratified random sampling technique sa pagpili ng 442 na kalahok mula sa ikalabing-isa at ikalabindalawang baitang na mag-aaral ng senior high school sa pampublikong paaralan ng Rehiyon XI. Ang sumusunod na istadistikang ginamit: mean, pearson r, regression at Structural Equation Model (SEM). Inilahad, ang exogenous na mga baryabol ay may makabuluhang ugnayan sa endogenous na baryabol na ang panlimang modelo ang pinakaangkop bilang resulta ng pag-aaral. Kaugnay nito, ang mga exogenous na baryabol ay nagtamo ng deskriptibong antas na pinakamataas. Ang kakayahan sa pagtuturo ng guro ay kinapalooban: pagpaplano, pag-unlad at resulta; pampagkatutong pangklasrum ay kinapalooban: positibong klasrum, iba-ibang pagpapahalaga, personal na pagkilala at katatagang mayorya; pakikipag-ugnayan ng mga mag-aaral: kagustuhan sa pagkatuto, kagustuhan sa paaralan, pagsisikap at pagtitiyaga, ekstrakurikular na gawain at pangkabatirang pakikilahok; at ang endogenous na baryabol ay nagtamo ng deskriptibong antas na pinakamataas ang pagganyak sa pagkatuto ng wika na kinapalooban: pamamaraan ng pagtuturo, pananaw ng guro, gampanin ng guro, impak ng pagtuturo ng pangkomunikatibong pangwika sa kakayahang pangkomunikatibo, pagiging madali at katanggap-tanggap na pakikipagkomunikasyon, at obserbasyon sa klasrum. Susing-salita: edukasyon, kakayahan sa pagtuturo ng guro, pampagkatutong pangklasrum, pakikipag-ugnayan ng mga mag-aaral, kakayahang pangkomunikatibo ng mga mag-aaral, modelong panatayang estruktural, Pilipinas