Karanasan sa pagtuturo at komunikatibong kakayahan : ang tagapamagitang epekto ng istilong pampersonalidad

Abstract

Layunin ng pag-aaral na ito na malaman ang tagapamagitang epekto ng istilong pampersonalidad na may kaugnayan sa karanasan ng pagkatuto sa silid aralan at komunikatibong kakayahan sa Asignaturang Filipino ng mag-aaral sa Senior High School sa pampublikong paaralan ng Sta. Maria Sangay ng Davao Occidental. Ginamit sa pananaliksik ang disenyong non-experimental na descriptive correlation. Nakuha ang datos mula sa 234 na mga mag-aaral sa pamamagitan ng tatlong talatanungan bilang instrumento ng pananaliksik. Ginamit ang Mean at Standard Deviation, Pearson Product Moment Correlation at sobel Z Test bilang istastikal na kagamitan. Lumaba sa pag aaral na ang antas ng karanasan sa pagkatuto at kakayahang komunikatibo ay nakakuha ng mataas na antas gayundin ang mga istilong pampersonalidad. Nagkaroon din ng makabuluhang ugnayan sa pagitan ng karanasan sa pagkatuto at komunikatibong kakayahan, karanasan sa pagkatuto at mga istilong pamperonalidad; at ang mga istilong pampersonalidad komunikatibong kakayahan. Natuklasan na may tagapamagitang epekto ang mga istilong pampersonalidad at karanasan sa pagkatuto tungo sa kabuuang komunikatibong kakayahan ngunit isa sa mga istilong pampersonalidad ang walang tagapamagutang epekto sa ugnayan ng karanasan sa pagkatuto at komunikatibong kakayahan. Kung kaya’t isinasaalang-alang ng mga guro ang komunikatibong kakayahan ng mga mag-aaral sa senior high school sa pamamagitan ng makabuluhang karanasan sa pagkatuto at ipinamalas ang mga istilong pampersonalidad. Susing Salita: pampublikong paaralan, karanasan sa pagkatuto, komunikatibong kakayahan, istilong pampersonalidad tagapamagitang epekto, Pilipinas