Kapaligirang pansilid-aralang pagkatuto bilang tagapagitna sa ugnayan ng pagkabalisa sa wikang Filipino at pang-agap na estratehiya

Abstract

Ang layunin ng pag-aaral na ito ay ang malaman ang epekto ng kapaligirang pansilid-aralang pagkatuto bilang tagapagpagitna sa ugnayan ng pagkabalisa sa wikang Filipino at pang-agap na estratehiya ng mga mag-aaral sa kolehiyo. Ang sinabing pananaliksik ay sumailalaim sa quantitative research design na ginagamitan ng descriptive at correlational method via mediation analysis. Gamit ang stratified random sampling, nilikom ang pangunahing datos gamit ang online survey questionnaires na nilahukan ng 300 na respondente na mag-aaral sa kolehiyo mula sa unang taon hanggang sa ika-apat na taon. Sa pagtugon ng hypothesis sap ag-aaral na ito, ginamitan ng correlation analysis gamit ang person r at mediation analysis gamit ang Sobel z test. Ang antas ng pagkabalisa sa wikang Filipino at pang-agap na estratehiya ay nakitaan ng isang matibay at positibong ugnayan.Nakitaan din ng isang matibay at positibong ugnayan dalawang baryabol na pagkabalisa sa wikang Filipino at kapaligirang pansilid- aralang pagkatuto. Maging ang naging resulta sa ginawang pag-aanalisa sa ugnayan ng kapaligirang pansilid-aralang pagkatuto at pang-agap na estratehiya ay nakitaan ng matibay at positibong ugnayan. Sa karagdagan pag-aanalisa gamit ang Sobel z test, napag-alaman ang namamagitnang epekto ng kapaligirang pansilid-aralang pagkatuto ay makabuluhan sa ugnayan ng pagkabalisa sa wikag Filipino at pang-agap na estratehiya. Keywords: pagkabalisa sa wika, kapaligirang pansilid-aralang pagkatuto, pang-agap na estratehiya, mediation, regression, Philippines