Paniniwala sa pagkatuto ng talasalitaan, estratehiya at pagganyak sa pagkatuto ng wika : modelong istruktural ng panataya sa komunikatibong kasanayan

Abstract

Ang pananaliksik na ito ay nilayun na tukuyin ang pinakaangkop na modelo ng komunikatibong kasanayan ng mga mag-aaral ng Rehiyon XII gamit ang panatayang Istruktural na Modelo (Structural Equation Modelling). Ang mga baryabol ng pananaliksik na ito ay sumusunod :paniniwala sa pagkatuto ng talasalitaan, estratehiya at pagganyak sa pagkatuto ng wika. Gumamit ng kwantitatibong-kawsal pamamaraan at stratefied random sampling upang tukuyin ang bilang ng kalahok sa bawat pampublikong paaralan. Ang mga datos ay mula sa apat na raang (400) talatanungan. Mean, Pearson Product Moment Correlation, Multiple Regression, at Modelong Panatayang Istruktural ay mga istadistikang ginamit upang masagot ang layunin ng pananaliksik na ito. Napakataas ang resulta para sa unang exogenous na baryabol na Paniniwala sa Pagkatuto ng Talasalitaan habang mataas ang resulta para sa dalawang natirang exogenous na baryabol, ang Estratehiya at Pagganyak sa Pagkatuto ng Wika. Mataas din ang resulta ng endogenous na baryabol na komunikatibong kasanayan. May makabuluhang ugnayan sa pagitan ng bawat baryabol subalit sa pinakaangkop na modelo, makikita na may mga indikeytor na nawala sa bawat baryabol. Kung ang endogenous variable na komunikatibong kasanayan naman ang susuriin, mapapansin na mula sa apat na indikeytor may isa na hindi na kasama sa sukatan at ito ay ang kasanayang estratejik. Sa limang istruktural na modelo, ang panlimang modelo ang tumugon sa panuntunang inihantad ng pag-aaral na ito; sa katunayan, ito ang pinakaangkop na modelo.